Ժամկետային Համալրվող ավանդ

Խնայողություններդ կարող են ապահովել ԲԱՐՁՐ եկամուտ և քեզ ավելի մոտեցնել նպատակներիդ իրականացմանը։ Մտածի՛ր մեկ քայլ առաջ, ձևակերպի՛ր մրցակցային պայմաններով ավանդ Ֆասթում և համալրիր այն, երբ ցանկանաս։

Ավանդատուի ընտրությամբ ավանդային պայմանագրի ժամկետի ավարտին Ավանդի ժամկետը կարող է ինքնաշխատ եղանակով երկարաձգվել։ Տվյալ դեպքում Ավանդի պայմանագրի ժամկետը

երկարաձգվում է նույն ժամկետով և արժույթով՝ երկարաձգման պահին տվյալ ավանդատեսակի համար գործող պայմաններով և տվյալ ավանդատեսակի համար Բանկում գործող տոկոսադրույքով։ Համապատասխան ավանդատեսակի պայմաններով այլ բան նախատեսված լինելու դեպքում հիմք են ընդունվում այդ պայմանները։ Բանկում տվյալ ավանդատեսակը դադարեցված լինելու դեպքում Պայմանագիրը չի երկարաձգվում և ավանդի գումարը ժամկետի ավարտին փոխանցվում է պայմանագրով նախատեսված Բանկում բացված ավանդատուի Բանկային հաշվին։ Ավանդի պայմանագիրը երկարաձգվում է Պայմանագրին նոր կոդ տրամադրելու միջոցով՝ առանց նոր պայմանագիր կնքելու։

Ավանդի համար պայմանագրով սահմանված տոկոսադրույքը պայմանագրային ժամկետում փոփոխման ենթակա չէ։

Երրորդ անձանցից ավանդատուի անունով մուտքագրվում են դրամական միջոցներ Ավանդի հաշվին՝ հաշվի մասին անհրաժեշտ տվյալների նշումով, եթե այլ բան նախատեսված չէ պայմանագրով։ Ընդ որում, ենթադրվում է, որ ավանդատուն , նման անձանց իր ավանդի հաշվի մասին անհրաժեշտ տվյալներ տրամադրելով, համաձայնվել է նրանից ստանալ դրամական միջոցներ։

Ավանդը կարող է վերադարձվել ավանդային պայմանագրով սահմանված ժամկետից շուտ։ Ավանդատուի պահանջով ավանդի պայմանագրի ժամկետից շուտ ավանդը վերադարձնելու դեպքում կատարվում է տոկոսների վերահաշվարկ՝ 31-366 օր ժամկետով ավանդների համար ՀՀ դրամի դեպքում 4%, ԱՄՆ դոլար /Եվրո /ՌԴ ռուբլի արժույթների դեպքում 0.5% տարեկան տոկոսադրույքով , 367 -550 օր ժամկետով ավանդների համար ՀՀ դրամի դեպքում 7%, ԱՄՆ դոլարի դեպքում 2%, Եվրո յի դեպքում 1%, ՌԴ ռուբլու դեպքում 0,5% տարեկան տոկոսադրույքով , եթե այլ բան նախատեսված չէ պայմանագրով՝ Ավանդի գումարից հաշվանցելով արդեն իսկ վճարված տոկոսագումարը , եթե այդպիսիք եղել են։

Ավանդը լրացուցիչ մուտքագրումներով է և առանց ելքագրումների: Ավանդի մուտքագրումներ կարող են կատարվել Բանկի ցանկացած մասնաճյուղում։

«Ֆիզիկական անձանց բանկային ավանդների հատուցումը երաշխավորելու մասին» Հայաստանի Հանրապետության օրենքով սահմանված կարգին կարող եք ծանոթանալ այստեղ։

Հեռահար սպասարկման ծառայությունների պայմաններն ու կարգին կարող եք ծանոթանալ այստեղ

Բանկի հետ հաղորդակցման կարգը՝ ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ։

Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Հաճախորդի՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:

«Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով Բանկը կարող է Հաճախորդից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ սպառողին (նման պահանջի առկայության դեպքում):

Ի կատարումն ՀՀ օրենսդրությամբ, այդ թվում՝ ՀՀ հարկային օրենսգրքով, Տնտեսական համագործակցության և զարգացման կազմակերպության կողմից հրապարակված Միասնական հաշվետվողական ստանդարտով և/կամ միջպետական այլ ակտերով սահմանված Բանկի պարտավորությունների՝ Բանկը ՀՀ պետական և(կամ) տեղական ինքնակառավարման մարմիններին և(կամ) օտարերկրյա պետական լիազոր մարմիններին (այսուհետ` Լիազոր մարմին) և/կամ վերջինիս կողմից նշված անձանց տրամադրում է ոչ ռեզիդենտ Հաճախորդի վերաբերյալ բանկային գաղտնիք, ինչպես նաև Հաճախորդի անձնական տվյալներ կազմող տեղեկատվություն, որի վերաբերյալ Հաճախորդը սույնով տալիս է իր անվերապահ համաձայնությունը: