Վահե Բադալյան
Խորհրդի նախագահ
Ծնվել է 1970թ․ ապրիլի 30-ին։ 1993թ․-ին ավարտել է Երևանի պետական բժշկական համալսարանը:
Դեռևս 1989թ․-ից ծավալում է ձեռնարկատիրական գործունեություն բազմաթիվ ուղղություններով՝ իրականացնելով բազմաթիվ ներդրումներ ֆինանսների, տեղեկատվական տեխնոլոգիաների, գյուղատնտեսության և այլ ոլորտներում։ Իր կողմից հիմնած ընկերությունները իրենց գործունեությունը ծավալում են ոչ միայն Հայաստանում, այլ նաև աշխարհի տարբեր երկրներում՝ ԱՄՆ, Ֆրանսիա, Անգլիա, Լատվիա, Սերբիա, Կիպրոս, Ուկրաինա և այլն։
Վահե Բադալյանի կողմից հիմնադրված ընկերությունների կառավարման հիմքում ընկած է սոցիալական պատասխանատվության սկզբունքը, մասնավորապես՝ նպաստել սոցիալական, բնապահպանական և տնտեսական արժեքների աճին՝ այդպիսով կայուն դրական ազդեցություն գործելով թե հասարակության, թե բիզնեսի վրա։
Ֆինանսներ
1994․թ ՀՀ-ում հիմնադրվում է «Ֆասթ Կրեդիտ» ՍՊԸ։ Ընկերությունը 2011թ-ին վերափոխում է գործունեության տեսակը, որպես վարկային կազամկերպություն և հանդիսանում է խոշորագույն վարկային կազմակերպությունը ՀՀ-ում, որը 2021թ․ օգոստոսին ստանալով ՀՀ Կենտրոնական բանկի կողմից բանկային գործունեության նախնական հավանություն, և անցնելով տրանսֆորմացիոն փուլը, 2022թ․-ի նոյեմբերի 9ին ՀՀ Կենտրոնական բանկի կողմից ձեռք է բերում բանկային գործունեության լիցենզիա։
2016թ․ Մեծ Բրիտանիայիում հիմնադրել է Ֆասթ Կրեդիտ վարկային ընկերությունը, որը իր 7 մասնաճյուղերով տարիներ շարունակ մրցունակ դիրքեր զբաղեցնելով վարկային ոլորտում, 2022թ․ ընթացքում ավարտին է հասցվում Անգլիայում «Էլեկտրոնային փողերի կարգավորման ինստիտուտ» (EMI - electronic money institution) փոխանցումների և այլ գործարքների իրականացման լիցենզիայի ստացման գործընթացը։
2020- թ․ին Անգլիայում բացվում է Fjewellery զարդերի խանութների ցանցը, որն այսօր ունի 7 խանութ-սրահ և 4000-ից ավելի տեսականի։ Զարդերի վաճառքն իրականացվում է ոչ միայն գործող խանութներում, այլ նաև օնլայն ինտերնետային կայքի միջոցով։ Կայքն ապահովում է զարդերի վաճառքն ու առաքումը ոչ միայն Անգլիայում, այլ նաև աշխարհի ցանկացած երկրում։ Ընկերությունը նախաձեռնել է նաև նոր ոսկու արտադրության, վաճառքի և արտահանման գործունեություն դեպի անգլիական շուկա։
2018թ.-ին հիմնադրել է «Ֆասթ Շիֆթ» ընկերությունը, որը մատուցում է վճարահաշվարկային ծառայություններ՝ ապահովելով արագ և անվտանգ դրամական փոխանցումներ 24/7 ռեժիմով։ «Ֆասթ Շիֆթ»-ը ունի ավելի քան 1000 վճարային տերմինալների ցանց և տրամադրում է ավելի քան 300+ վճարման եղանակներ տարբեր ոլորտների համար՝ մեկ API ինտեգրման միջոցով:
2021 թվականին հիմնադրել է «Fast Credit UKRAINE» ընկերությունը, որն ունի ֆինանսական ընկերության լիցենզիա՝ հնարավորություն ունենալով իրականացնել ֆակտորինգի, լիզինգային ծառայությունների և տարատեսակ վարկերի տրամադրում, ինչպես նաև ավարտին է հասցնում Ուկրաինայում վճարահաշվարկային լիցենզիայի ստացումը։
Տեղեկատվական տեխնոլոգիաներ
2012թ․-ին Մեծ Բրիտանիայում հիմնադրել է «ՍոֆտԿոնստրակտ» ընկերությունը, որը Հայաստանում տեխնոլոգիական հեղափոխության առաջատարներից է։ Այն ավելի քան տասը տարի տեղական եւ միջազգային շուկաներին տրամադրում է նորարար եւ մրցունակ տեխնոլոգիական լուծումներ: Ընկերությունը մասնաճյուղեր ունի աշխարհի 15 երկրներում: Ընկերությունն ակտիվորեն օգտագործում է Արհեստական բանականության (AI) եւ Մեքենայական ուսուցման (ML) տեխնոլոգիաները:
Համահիմնադիր է մի շարք ընկերությունների, որոնք ինչպես ՀՀ-ում, այնպես էլ ՀՀ տարածքից դուրս առաջարկում են տարատեսակ ծրագրային լուծումներ, արհեստական բանականության գործիքներ, առցանց համաժողովների կազմակերպման հարթակներ, կայքերի ստեղծման և ձևավորման գործիքներ և ծառայություններ (Hoory, Finconstruct, Bet Construct, UCraft.mi, FeedConstruct, Panda MR և այլն)։
Այլ բիզնես ոլորտներ
1995թ․-ից հիմնադրել է «Բադալյան Եղբայրներ» ՍՊԸ-ն, ինչպես նաև տարիների ընթացքում նաև մի քանի այլ ընկերություններ, որոնց միջոցով ծավալվում է խոշոր գյուղատնտեսական, ռեստորանային և հյուրանոցային գործունեություն (Կովկաս ռեստորանային համալիր, Կովկաս Ագրո և այլն)։
Վահե Բադալյանը, հիմնադրելով «Վահագն Բադալյան» բարեգործական հիմնադրամը, մշտապես ներգրավված է եղել հայրենիքի պաշտպանությանն ուղղված ու սոցիալական նշանակության ծրագրերում (սահմանային շրջաններում գտնվող դպրոցների վերանորոգում, սոցիալապես անապահով ընտանիքներին աջակցություն, ստարտափերի ֆինանսավորում, և այլն)։
Վահե Բադալյանը ամուսնացած է, ունի երկու որդի և մեկ դուստր:
Դանիել Հիլեր
Խորհրդի անդամ
Ծնվել է 1947թ․ մայիսի 12-ին։
Պարոն Հիլերը սովորել է Փարիզ-Դոֆին /Paris-Dauphine/ համալսարանում՝ ստանալով Կառավարման դիպլոմ։ Փարիզ-Ասաս /Paris-Assas/ համալսարանում սովորել է իրավագիտություն։
Ունի որակավորված հաշվապահների դիպլոմ (Diploma of Chartered Accountants)։
Պարոն Հիլերը հանդիսացել է մի շարք ընկերություններում /Ֆրանսիա, Հայաստան, Ուկրաինա, Ռուսաստան, Բելառուսիա, Վրաստան, և այլն/ խորհրդատվական և աուդիտորական առաքելություն իրականացնող թիմերի ղեկավար։Վերոնշյալ ընկերությունների թվին են պատկանում տարբեր երկրների առաջատար բանկեր, կենտրոնական բանկեր, ուղևորափոխադրման ընկերություններ և այլն։
Հարկ է հատկապես ընդգծել պարոն Հիլերի փորձառությունն Աֆրիկյան շուկայում, որտեղ նա հատուկ խորհրդատվություն է իրականացրել տարբեր ընկերությունների համար, մասնավորապես ինֆլացիայի և դեվուլվացիայի հետևանքների, գնման և սեփականաշնորհման վերաբերյալ։
Պարոն Հիլերը ունի հատուկ փորձառություն տարբեր բանկերի ղեկավար պաշտոններում, որից կարելի է ընդգծել Ֆրանսիայի Հարավ-Արևմտյան Credit Mutuel բանկի գլխավոր տնօրենի պաշտոնը, Փարիզի Ազգային բանկի նախկին դուստր BIAO Կամերուն բանկի /Կամերունի առաջին բանկի/ գլխավոր տնօրենի տեղակալի պաշտոնը։
Ունի աշխատանքային հարուստ փորձ աշխարհի լավագույն ֆինանսաբանկային և խորհրդատվական ընկերություններում։ Գրանթ Թորնթոնի հայաստանյան և ֆրանսիական մասնաճյուղերում զբաղեցրել է ղեկավար պաշտոններ, այդ թվում հանդիսացել է Աուդիտի տնօրեն։ Պարոն Հիլերը անդամակցում է մի շարք միջազգային ասոցիացիաների այդ թվում հանդիսանում է Հաշվապահների միջազգային ֆեդերացիայի և Ֆրանսիայի հաշպահական տարբեր ասոցիացիաների անդամ։
2022թ․ մայիսից «ՖԱՍԹ ԿՐԵԴԻՏ ԿԱՊԻՏԱԼ» ՈՒՎԿ ՓԲԸ-ում ստանձնել է Խորհրդի անդամի պաշտոնը:
2022թ․ նոյեմբերի 9-ից «Ֆասթ Բանկ» ՓԲԸ-ում ստանձնել է Խորհրդի անդամի պաշտոնը:
Վահան Վարդանյան
Խորհրդի անդամ
Ծնվել է 1972թ․ հունիսի 8-ին: 1989-1994թթ ավարտել է Հայաստանի ազգային ինժիներական ինստիտուտը՝ մասնագիտանալով Համակարգչագիտության, կառավարչական տեղեկատվության և վերահսկման համակարգերի ոլորտում:
1995-1997թթ․ սովորել է Բենթլի համալսարանում՝ ՄաքՔալլումի բիզնես դպրոցում՝ ստանալով Բիզնեսի կառավարման մագիստրոսի կոչում։
2009թ․ Հարվարդի բիզնես դպրոցում ուսանել է Մենեջմենթի խորացված ծրագիր։
1997-2004թթ․ ԲեարինգՓոինթ (նախկինում՝ Քեյ Փի Էմ Ջի Քընսալթինգ) ընկերությունում աշխատել է որպես Ֆինանսական Ծառայությունների Ինտեգրացման ղեկավար։
2004-2011թթ․ Ռենեսանս Կապիտալ ընկերությունում զբաղեցրել է Գործադիր տնօրենի, Տեղեկատվական տեխնոլոգիաների գլխավոր պատասխանատուի, այնուհետև Գործադիր տնօրենի, Առաջատար կատարողական խմբի համաղեկավարի պաշտոնները։
2011-2013թթ․ աշխատելով Մոսկվայի բորսա MICEX-RTS-ում, հանդիսացել է Գործադիր տնօրեն, ՏՏ գլխավոր պատասխանատու, Գործադիր մարմնի անդամ։
2013-2017թթ․ աշխատել է ՄակՔինզի Ընկերությունում որպես Տնօրեն (Գործընկեր)։
2017թ․-ից մինչ այժմ «ՆԱԻՐԻԱՆ» ՓԲԸ-ում, ինչպես նաև «ՍփեյսՓասս» ընկերությունում զբաղեցնում է Խորհրդի անդամի և համահիմնադրի պաշտոնները համապատասխանաբար։
2021թ․-ից մինչ այժմ «Դա Վինչի Կապիտալ» ընկերությունում հանդես է գալիս որպես Վենչուրային գործընկեր, իսկ «Կերպակ»-ում՝ որպես Հիմնադիր, Գլխավոր-գործադիր տնօրեն։
2022թ․ մայիսից «ՖԱՍԹ ԿՐԵԴԻՏ ԿԱՊԻՏԱԼ» ՈՒՎԿ ՓԲԸ-ում ստանձնել է Խորհրդի անդամի պաշտոնը:
2022թ․ նոյեմբերի 9-ից «Ֆասթ Բանկ» ՓԲԸ-ում ստանձնել է Խորհրդի անդամի պաշտոնը:
Արմեն Քթոյան
Խորհրդի անդամ
Ծնվել է 1978թ․ սեպտեմբերի 5-ին, ք․ Հրազդանում:
1995–2000թթ սովորել է Երևանի պետական տնտեսագիտական ինստիտուտի Ինժեներատնտեսագիտական ֆակուլտետում՝ ստանալով տնտեսագետ-մաթեմատիկոսի որակավորում:
2000–2003թթ․ որպես ասպիրանտ սովորել է Կառավարման և տնտեսական բարեփոխումների ինստիտուտում՝ Ֆինանսներ, դրամաշրջանառություն և վարկ մասնագիտությամբ:
2003թ․ Տնտեսական հետազոտությունների ինստիտուտի մասնագիտական խորհրդի որոշմամբ շնորհվել է Տնտեսագիտության թեկնածուի կոչումով։
2001-2007թթ․ աշխատել է Կառավարման և տնտեսական բարեփոխումների ինստիտուտում որպես ասիստենտ հետազոտող, այնունետև գլխավոր մասնագետ և բաժնի պետ։
2004թ․ ՀՀ պետական սեփականության կառավարման հայեցակարգի» մշակման շրջանակներում, եղել է Գիտական խմբի ղեկավար։ Նախագծի թեման` «Տնտեսության արդյունավետ կառուցվածքի ձևավորման խնդիրները»։
2005-2007թթ եղել է Կառավարման և տնտեսական բարեփոխումների ինստիտուտի 060 մասնագիտական խորհրդի անդամ, Գիտական քարտուղար:
2009թ. ՀՀ էկոնոմիկայի նախարարությում զբաղեցրել է Գիտելիքահեն տնտեսության, ինովացիաների և ձեռնարկատիրության խթանման վարչության պետի պաշտոնակատարի պաշտոնը:
2011թ. աշխատել է «Ալֆա պլյուս քոնսալթինգ» ՍՊԸ-ում որպես Ավագ փորձագետ:
2015–2016թթ․ եղել է Տնտեսագիտական հետազոտությունների ստորաբաժանման ղեկավար ՀՊՏՀ Եղեգնաձորի մասնաճյուղում:
2017թ․ սեպտեմբերից 2017թ ապրիլ հանդիսացել է ՀՊՏՀ վիճակագրության ամբիոնի Դոցենտ:
2016–2017թթ․ ՀՊՏՀ «Ամբերդ» հետազոտական կենտրոնում եղել է Հետազոտական ծրագրի ղեկավար – ավագ հետազոտող:
2017–2019թթ․ «Հանրային քաղաքականության հետազոտությունների ազգային կենտրոն» ՀԿ-ում իրականացրել է Կրթական ծրագրերի համակարգող-փորձագետի գործառույթներ:
2017–2019թթ․ եղել է Հետազոտական թեմայի ղեկավար ՀՊՏՀ «Ամբերդ» հետազոտական կենտրոնում:
2018–2019թթ․ Կոնրադ Ադենաուեր Հիմնադրամում (Հայաստան) զբաղեցրել է Փորձագետի պաշտոնը:
2021թ. հոկտեմբերից 2022թ․ հունվարը, ԵՄ ֆինանսավորմամբ, ՀՀ ԱՍՀ նախարարության պատվերով, որպես Ավագ փորձագետ, կատարել է «Հայաստանում սոցիալական բնակապահովության քաղաքականության զարգացման ծրագրի հայեցակարգային հիմնադրույթների» մշակում:
2022թ. փետրվարից մինչև 2022թ․ հունիս «Ամունդի-ԱԿԲԱ Ասեթ Մենեջմենթ» ՓԲԸ ֆինանսավորմամբ, ՀՀ ԱՍՀ նախարարության պատվերով, որպես Փորձագետ, իրականացրել է «ՀՀ-ում սոցիալական բնակապահովության ընդհանրական համակարգի ներդրման ռազմավարության» մշակում:
2007թ․ մինչ օրս դասավանդում է ՀՀ բարձրագույն ուսումնական հաստատություններում։
2022թ․ մայիսից «ՖԱՍԹ ԿՐԵԴԻՏ ԿԱՊԻՏԱԼ» ՈՒՎԿ ՓԲԸ-ում ստանձնել է Խորհրդի անդամի պաշտոնը:
2022թ․ նոյեմբերի 9-ից ստանձնել է «Ֆասթ Բանկ» ՓԲԸ-ում Խորհրդի անդամի պաշտոն:
Սվետլանա Կարապետյան
Խորհրդի անդամ
Ծնվել է 1987թ․ օգոստոսի 27-ին, ք․ Երևանում:
2005–2009թթ սովորել է Հայաստանում ֆրանսիական համալսարանի
Իրավագիտություն ֆակուլտետում՝ ստանալով բակալավրի կոչում:
2009-2011թթ․ սովորելով միևնույն համալսարանի Միջազգային գործարար իրավունքի ֆակուլտետում, ստացել է մագիստրոսի կոչում:
2009թ․ ուսնակության միջազգային ծրագրով աշխատել է ԲՆՊ Պարիբաս (BNP PARIBAS/Ֆրանսիա) առևտրային բանկում որպես բիզնես և խնդրահարույց վարկերի ուղղությունների իրավաբան:
2010–2013թթ․ աշխատել է «Ակբա-Կրեդիտ Ագրիկոլ Բանկ» ՓԲԸ-ում որպես Խնդրահարույց ակտիվների բաժնի իրավաբան, այնուհետև՝ ավագ իրավաբան:
2013–2022թթ․ աշխատել է «Ամերիաբանկ» ՓԲԸ-ում որպես Բիզնես ուղղությունների իրավական սպասարկման բաժնի ավագ իրավաբան, այնույետև՝ միևնույն բաժնի ղեկավար:
2022թ․ հունվարից «ՖԱՍԹ ԿՐԵԴԻՏ ԿԱՊԻՏԱԼ» ՈՒՎԿ ՓԲԸ-ում ստանձնել է Խորհրդի անդամի պաշտոնը:
2022թ․ նոյեմբերի 9-ից ստանձնել է «Ֆասթ Բանկ» ՓԲԸ-ում Խորհրդի անդամի պաշտոնը:
Ամուսնացած է, ունի մեկ որդի և մեկ դուստր։
էջը թարմացվել է 02/05/2023, 12։00