«Սենց, թե նենց»՝ Փարիզ գնալու ժամանակն է
Ֆասթ Բանկը և Mastercard-ը մեկնարկում են համատեղ խաղարկություն, որի շրջանակում Բանկի հաճախորդներն իրենց Mastercard ԱկնՔարտերով կարող են շահել «5-օրյա ուղևորություն դեպի Փարիզ երկուսի համար» մրցանակը։
Մասնակից դառնալու համար Բանկի 18 տարին լրացած քարտապանները պետք է օգոստոսի 15-ից մինչև նոյեմբերի 15-ը կատարեն օնլայն կամ օֆլայն շոփինգ արտերկրում և վճարեն Ֆասթ Բանկի իրենց պրեմիում Mastercard ԱկնՔարտերով։
Յուրաքանչյուր հանրագումարային 50,000 ՀՀ դրամի կամ համարժեք արտարժույթի ծախսի դիմաց մասնակիցները կստանան 1 պրոմոկոդ: Կարող են հավաքել առավելագույնը 10 պրոմոկոդ։ Իսկ հավելյալ՝ 11-րդ պրոմոկոդը կստանան, եթե խաղարկության ընթացքում Ֆասթ Բանկից պատվիրեն ևս մեկ Mastercard World կամ Mastercard World Elite ԱկնՔարտ։
ՀՀ դրամով քարտերի դեպքում հաշվի կառնվի գործարքների ընդհանուր գումարը։ Արտարժույթով քարտերի դեպքում գործարքների գումարը կհաշվարկվի ՀՀ դրամով՝ գործարքի հաշվեգրման օրվա ԿԲ փոխարժեքով։
Խաղարկությունը կամփոփվի Ֆասթ Բանկի YouTube-յան ալիքում՝ 2026 թվականի դեկտեմբերի 25-ին, ժամը 15։00-ին։ Հաղթողը կորոշվի պատահականության սկզբունքով՝ Pretty Random համակարգի միջոցով, որի ընթացքում կընտրվի հաճախորդներից մեկին տրամադրված գործող պրոմոկոդը։
Բանկը վերահսկվում է ՀՀ ԿԲ կողմից։