Սահմանված ժամկետից շուտ տեղաբաշխվել են Ֆասթ Բանկի օգոստոսի 4-ից մինչև նոյեմբերի 7-ը տեղաբաշխվող դոլարային պարտատոմսերը

Սիրով տեղեկացնում ենք, որ Ֆասթ Բանկի դոլարային անվանական արժեկտրոնային պարտատոմսերի տեղաբաշխումը հաջողությամբ ավարտվել է 2025 թվականի հոկտեմբերի 17-ին՝ սահմանված վերջնաժամկետից շուտ, մինչդեռ նախնական տեղաբաշխման վերջնաժամկետը նոյեմբերի 7-ն էր:

Պարտատոմսերի տեղաբաշխումն իրականացվել է հրապարակային եղանակով՝ բաց բաժանորդագրության միջոցով։

Պարտատոմսերի հիմնական պայմաններն են՝

• Տարբերակիչ ծածկագիր՝ AMFSCRB2LER1
• Անվանական արժեք՝ 100 ԱՄՆ դոլար
• Շրջանառության ժամկետ՝ 2 տարի
• Տարեկան եկամտաբերություն՝ 6.25%,
• Կիսամյակային տոկոսային վճարումներ

Ընդհանուր տեղաբաշխման ծավալը կազմել է 2,000,000 ԱՄՆ դոլար։

Բանկը դիմել է Հայաստանի Ֆոնդային բորսա՝ պարտատոմսերի ցուցակման համար, ինչպես նաև պարտատոմսերի իրացվելիության ապահովման նպատակով Բանկը օգտվելու է շուկա ստեղծողի ծառայություններից։

Շնորհակալություն ենք հայտնում ներդրողներին վստահության համար։  Բանկը շարունակական կերպով  առաջարկում է  դրամային և դոլարային այլ պարտատոմսեր, որոնք դեռ կարող եք ձեռք բերել։