«Ֆասթ Բանկ» ՓԲԸ-ն 2025 թվականի օգոստոսի 4-ից մեկնարկում է դրամային և դոլարային պարտատոմսերի նոր թողարկման տեղաբաշխում

ՀՀ ԿԲ նախագահի 23.07.2025թ․-ի թիվ 1/249 Ա որոշմամբ գրանցվել է «Ֆասթ Բանկ» ՓԲԸ պարտատոմսերի Ծրագրային ազդագիրը։

Բանկը 2025 թվականի օգոստոսի 4-ից մինչև 2025 թվականի նոյեմբերի 7-ը նախատեսում է տեղաբաշխել դրամային և դոլարային անվանական արժեկտրոնային պարտատոմսեր, համապատասխանաբար՝ 10.75% և 6.25% տարեկան եկամտաբերությամբ:

Ֆասթ Բանկի կողմից կտեղաբաշխվեն 10 մլրդ ՀՀ դրամ և 2 մլն ԱՄՆ դոլար թողարկման ընդհանուր ծավալով և 100,000 ՀՀ դրամ և 100 ԱՄՆ դոլար անվանական արժեքով պարտատոմսեր։ Պարտատոմսերը թողարկվում են 2 տարի մարման ժամկետով, արժեկտրոնի կիսամյակային վճարման պարբերականությամբ։

Պարտատոմսերը հնարավոր է ձեռք բերել Ֆասթ Բանկի 37 մասնաճյուղերից։

Եթե հաճախորդը աշխատանքային օրվա մինչև ժամը 16։00 է լրացնում հայտերը և ապահովում դրամական միջոցները արժեթղթերի ձեռքբերման համար , ապա պարտատոմսի գինը հաշվարկվում է տվյալ օրվա գնով, հակառակ դեպքում՝ հաջորդ աշխատանքային օրվա։

Պարտատոմսերի ձեռքբերման համար անհրաժեշտ է ներկայացնել անձնագիր և սոցիալական քարտ, ինչպես նաև բանկային հաշվի տվյալները։

Ծրագրային ազդագրի, Ազդագրի լրացման և Թողարկման վերջնական պայմանների էլեկտրոնային տարբերակը կարելի է բեռնել հետևյալ ներկայացված հղումով, իսկ թղթային տարբերակները` այցելելով Ֆասթ Բանկի գլխամասային գրասենյակ կամ Բանկի ցանկացած մասնաճյուղ։