Ֆասթ Բանկի Arca քարտը նոր դիզայնով և 2% քեշբեքի հնարավորությամբ
Ֆասթ Բանկի Arca վճարահաշվարկային համակարգի քարտը նոր՝ հայկական առանձնահատուկ տարրերով և Բանկի խորհրդանիշով՝ Ակնով, դիզայն ունի։ Ներկայացված ինքնաոճ դիզայնից զատ, այսուհետ Arca ԱկնՔարտով անկանխիկ եղանակով վճարումներից քարտապանները կստանան 2% գումարի հետվերադարձ (cashback):
Arca ԱկնՔարտով անկանխիկ եղանակով մեկ գործարքի համար վճարվող հետվճարը չի կարող գերազանցել 6 հազար ՀՀ դրամը, իսկ յուրաքանչյուր հաշվետու ամսվա համար՝ 60 հազար ՀՀ դրամը: Քարտապաններին վճարվող հետվճարը տրամադրվում է 1,000 ՀՀ դրամը գերազանցող գործարքների դիմաց:
Հիշեցնենք նաև, որ Ֆասթ Բանկի բոլոր հաշիվները, այդ թվում Arca ԱկնՔարտը, խնայողական են՝ դրական մնացորդի նկատմամբ տարեկան 4% տոկոսադրույք (տարեկան տոկոսային եկամտաբերությունը` 4․07%)։
Arca վճարահաշվարկային համակարգի քարտերը գործում են Հայաստանի Հանրապետության տարածքում և տվյալ ԱկնՔարտերով կատարած գործարքները ձևավորում են փոխշահավետ համագործակցություն․ քարտապաններն ստանում են քեշբեք, իսկ երկրում ավելացող անկանխիկ շրջանառությունը նպաստում է ազգային տնտեսության կայուն զարգացմանն ու ամրապնդմանը։
Ֆասթ Բանկի Arca ԱկնՔարտ ձեռք բերելու համար անհրաժեշտ է ներբեռնել Բանկի մոբայլ հավելվածը, ներկայացված ցանկից ընտրել Arca ԱկնՔարտն ու պատվիրել այն։ Պատրաստի քարտն անվճար առաքվելու է ՀՀ տարածքում ցանկացած հասցեով։ Ի դեպ, Ֆասթ Բանկի մոբայլ հավելվածով մինչև սեպտեմբերի 30-ը Arca ԱկնՔարտ պատվիրելու դեպքում տարեկան սպասարկումն անվճար է։
Նշենք նաև, որ տեղեկատվության, կապի և կոմունալ վճարումների, ՀՀ պետական բյուջե փոխանցվող վճարումների, բարձր ռիսկային վաճառակետերում կատարված վճարումների, ֆինանսական հաստատությունների կողմից առաջարկվող ծառայությունների դիմաց գանձվող վճարումների, Arca նվեր և մեկանգամյա օգտագործման համար նախատեսված քարտերով կատարված վճարումների, ստացված հետվերադարձի, փոխհատուցման և հետգանձումների դեպքում գումարի հետվերադարձ չի լինելու:
Անկանխիկ վճարումներից 2% քեշբեքի հնարավորությունը գործելու է 2026թ․-ի հունվարի 1-ից մինչև 2026 թ․-ի դեկտեմբերի 31-ն իրականացված գործարքների համար։
Ֆասթ Բանկը 24/7 աշխատանքային գրաֆիկով ներկայացված է Երևանում և Հայաստանի բոլոր մարզերում։