Ֆասթ Բանկն ընդլայնել է մասնաճյուղային ցանցը և բացել նոր մասնաճյուղ Նորք-Մարաշ համայնքում։
«Հին Նորք» մասնաճյուղը կահավորված է ժամանակակից ոճով, հագեցած է բարձրակարգ սպասարկում ապահովելու համար անհրաժեշտ բոլոր պայմաններով ու տեխնոլոգիաներով, լիովին համապատասխանում է Բանկի նորարար մոտեցմանը։
«Ուրախ ենք տեղեկացնել, որ Նորքում և հարակից տարածքներում բնակվող, աշխատող մեր հաճախորդներն արդեն կարող են սպասարկվել մեր նոր մասնաճյուղում։ Մասնաճյուղը պատրաստ է բանկային ծառայությունների ամբողջական փաթեթ, ինչպես նաև պրոֆեսիոնալ ֆինանսական խորհրդատվություն տրամադրել մեր հաճախորդներին»,-նշել է Ֆասթ Բանկի Մանրածախ բիզնեսի կառավարման ծառայության ղեկավար Տիգրան Սարգսյանը։
Իր հաճախորդների հարմարավետությունն առաջնահերթ գնահատելով և նրանց համար սպասարկման լավագույն պայմանների ապահովման նպատակով՝ Ֆասթն ընթացիկ տարում շարունակելու է մասնաճյուղերի ցանցի ընդլայնման և արդեն իսկ գործող մասնաճյուղերի վերաբրենդավորման գործընթացը։
Մանրամասները՝ տեսանյութում։